Author: Interview Nepal

काठमाडौं, पुस ११ । नवनियुक्त ऊर्जा, जलस्रोत तथा सिँचाइ मन्त्री टोपबहादुर रायमाझीले प्रधानमन्त्रीविरुद्ध षड्यन्त्र भएकै कारण देशमा राजनीतिक अस्थिरता निम्तिएको बताएका छन् । ललितपुरको टौखेलमा शनिबार आयोजित एक कार्यक्रममा बोल्दै उनले यस्तो बताएका हुन् । आन्दोलनबाट भन्दा सहमतिमा सरकारको काममा सहयोग गर्न विपक्षीहरुलाई आग्रह गरे । उनले मुलुकमा उत्पन्न राजनीतिक परिस्थिति सम्हाल्न आफू पनि सरकारमा आइपुगेको बताए । उनले भने, ‘जतिदिन सकिन्छ, सरकारलाई व्यवस्थित बनाउने काम म गर्नुे छु। बिग्रने थालेको राजनीतिलाई सिस्टममा ल्याउन म पनि पहल गर्ने छु।’ आन्दोलनबाट भन्दा सहमतिबाट अघि बढ्दा मुलुकको हित हुने उनको भनाइ थियो । कार्यक्रममा अब आउने बैशाख १७ गते र २७ गते हुने निर्वाचनमा सक्रिय सहभागी हुन कार्यकर्ताहरुलाई निर्देशन समेत दिइएको छ । कार्यक्रममा नेकपाको ओली पक्षका केन्द्रीय सदस्यहरु सुशीला ...

काठमाडौँ, पुष ११ प्रतिनिधिसभा विघटनको विरोधमा वृहत नागरिक आन्दोलनले काठमाण्डौको माइतीघर मण्डलामा प्रदर्शन गरेको छ । संसद विघटनलाई प्रतिगामी कदमको संज्ञा दिँदै आन्दोलनले मण्डलामा प्रदर्शन गरेको हो । प्रदर्शनमा लेखक, पूर्व सम्पादक, साहित्यकार, रंगकर्मी, सामाजिक अभियन्तालगायत उपस्थित थिए । युग पाठक, मोहना अन्सारी, नारायण वाग्लेलगायतका वक्ताले संविधानमा व्यवस्था नभएको कुन अधिकार प्रयोग गरेर प्रधानमन्त्री ओलीले संसद विघटन गर्नुभयो भन्ने प्रश्न गरेका छन् । संवृद्धिको यात्राको लागि गठन भएको सरकारले गाइजात्रा देखाएको भन्दै प्रदर्शनकारीले व्यङ्ग्य पनि गरेका छन् । प्रधानमन्त्री ओलीको कदमले प्रतिगामीलाई फाइदा पुगेकाले संसद उहाँको लोकतन्त्रमाथिको सोचाइमाथि नै प्रश्न उठेको वक्ताहरुको भनाइ छ । सरकारको कदमविरुद्ध आन्दोलन जारी राख्ने वृहत नागरिक आन्दोलनले जनाएको छ।...

  काठमाडौँ, पुष ११ करिब एक महिना अगाडिबाट माइतिघर मण्डलमा न्यायका लागि धर्ना बसेका उखु किसान आजसम्म माइतिघर मण्डलमा व्यानरका साथ धर्ना बसिरहेका छ्न। सरकारले न्यायको लागि पहल गरिने बताएको छ तर किसान अघिल्ला बर्ष जस्तै सरकारी तहबाट हुने पहल आशा मात्रै हुने भन्दै धर्ना बसेको बताउछ्न। सानो छ खेत सानो बारी सानै छ जहान नगरी काम पुग्दैन खान साझ र बिहान, तपाईं हिटर तापेर पैसा ल्याइदिनु हामिलाई चप्पलमा नै न्यानो हुन्छ सरकार, जस्ता भनाइका व्यानर टासेर धर्नामा रहेका किसानका आर्थक बर्ष २०७१्७२ मा नेपाल सरकारले गरेको अनुदान रकम रु २५ प्रती क्विन्टल कार्यन्वयन गर्ने, २०७२्७३, २०७३्७४ मा नेपाल सरकारले निर्णय गरेको दर अनुसारको बक्यौता रकम किसानलाई फिर्ता गर्ने लगाएतका माग राखेका छ्न। ...

काठमाडौँ, पुष ११ नेपाल कम्युनिस्ट पार्टी (नेकपा) का स्थायी समिति सदस्य हरिबोल गजुरेलले आफूले गुटबन्दी नगर्ने बताएका छन् । उनले विगतमा आफूले पार्टी एकताको लागि भूमिका खेल्दा अनावश्यक आरोप लगाइएको पनि गुनासो गरे । शनिबार राजधानीको नयाँ वानेश्वरमा पत्रकारहरुसँग कुरा गर्दै नेता गजुरेलले आफू ठूलो जोखिम लिएर एकताको पक्षमा लागेको भएपनि सफल हुन नसकेको बताए । 'ठूलो जोखिम लिएर एकताको पक्षमा लागेको थिएँ। तर सफल हुन सकिएन', फेरि पनि पार्टी एकतामै जोड दिँदै उनले भने, 'पार्टी एकता भएन भने त्यसले अहिलेसम्मका उपलब्धि गुम्छ । हामीले पार्टीलाई एक राख्न सकेनौं। देश विदेश तथा नेताहरू कै कारणले पनि यो अवस्था आइपुग्यो।' उनले आफू ओली समूहतिर कहिल्यै नगएको पनि दावी गरे । उनले भने, 'म कतै गएको पनि छैन आएको पनि छैन । हिजो जहाँ थिए त्यहीँ छु। समान दुरीमा बसेर मैले एकता जोगाउन लागेँ। दुबै अध्यक्षको आलोचना...

काठमाण्डौँ, पुष ११ कांग्रेस सभापति शेरबहादुर देउवा प्रतिनिधिसभा विघटनविरुद्धको प्रदर्शनमा सरिक हुन अपिल गरेका छन् । प्रधानमन्त्री केपी शर्मा ओलीको सिफारिसमा राष्ट्रपतिद्वारा प्रतिनिधिसभा विघटन गरिएकोविरुद्ध कांग्रेसले पुस १३ गते सोमबार १६५ निर्वाचन क्षेत्रमा विरोध प्रदर्शन आयोजना गरेको छ । सभापति देउवाले शनिबार प्रेस विज्ञप्ति जारी गर्दै उक्त प्रदर्शनमा सहभागी हुन सबै नागरिकलाई अपिल गरेका हुन् । विज्ञप्तिमा देउवाले प्रतिनिधिसभा विघटनविरुद्ध कांग्रेसमा एकमत भएको उल्लेख गर्दै भनेका छन्, 'विघटनकै दिन मैले पार्टीका वर्तमान र पूर्व पदाधिकारीहरुको बैठक आयोजना गरेर बैठकमार्फत संसद विघटनलाई असंवैधानिक र अलोकतान्त्रिक ठहर गरिसकेका छौं । संविधानमा भएको व्यवस्था प्रतिकुल, जनभावना विपरीतको कार्यविरुद्ध नेपाली कांग्रेस सम्पूर्ण रुपले एकमत साथ उभिएको छ । जारी केन्द्रीय कार्यसमितिको बैठकमा म आफैले...