Author: Interview Nepal

काठमाण्डौँ, कार्तिक ३ गृह मन्त्रालयले दशैँमा प्रमुख जिल्ला अधिकारी (सीडीओ) र सुरक्षा निकायका प्रमुखलाई जिल्ला नछाड्न निर्देशन दिएको छ । कोरोना महामारी रोकथाम र नियन्त्रणमा सीडीओ र सुरक्षा प्रमुखको महत्त्वपूर्ण भूमिका हुने भएकाले उनीहरुलाई जिल्ला नछाड्न गृहले निर्देशन दिएको हो । गृहले चाडबाडको बेलामा मानिसको आवत जावत बढ्दा कोरोनाको जोखिम झनै बढ्ने भएकाले जोखिम बढ्न नदिन हरसम्भवका उपाय अपनाउन पनि सीडीओ र सुरक्षा निकायका प्रमुखहरुलाई निर्देशन दिएको छ । चाडपर्वलाई व्यवस्थित बनाउन र आपूर्ति प्रणाली सहज बनाउन निर्देशन दिइ सकिएको पनि गृहले जनाएको छ । ...

काठमाण्डौँ, कार्तिक ३ भौतिक पूर्वाधार तथा यातायात मन्त्री वसन्त कुमार नेम्वाङलाई कोरोना पुष्टि भएको छ । आज गरिएको पिसिआर परिक्षणमा उनलाई कोरोना पुष्टि भएको हो । उनले आफ्नो सम्पर्कमा रहेका सबैलाई स्वास्थ्यको ख्याल गर्न र सर्तक रहन अनुरोध गरेका छन् । उनले फेसबुकमा आफूलाई कोरोना लागेको बताएका छन् । यस अघि सरकारका २ मन्त्रीहरुमा कोरोना संक्रमण भएको थियो । संक्रमण भएका मध्ये पर्यटन मन्त्री योगेश भट्टराई र शिक्षा मन्त्री गिरिराजमणि पोखरेल छन् । नेम्वाङ कोरोना संक्रमित तेस्रो मन्त्री हुन् ।...

महेन्द्र अधिकारी/ललितपुर, कार्तिक ३ लोक दोहोरी गायक हेम श्रेष्ठ र प्रमिला लामा वाइबा को “डाँडैको चौतारी” बोलको गीत बजारमा सार्बजनिक भएको छ । गीतमा गायिका प्रमिला लामा वाइबा र हेम श्रेष्ठ को स्वर रहेको छ भने पार्शव स्वरमा गोमा श्रेष्ठ, प्रमिला मगर, दिनेश श्रेष्ठ र कृष्ण लामिछाने ले साथ दिएका छन् । मंगलम रेकर्डिङ्ग स्टुडियोमा रेर्कड गरएिको गीतमा शब्द भने गायिका प्रमिला लामा वाइबा रहेको छ भने संगीत गायक हेम श्रेष्ठ रहेको छ । यस गितमा राजेश बर्देवा को एरेन्ज रहेको छ । “डाँडैको चौतारी” गीतले नुवाकोटको पर्यटन क्षेत्रलाई बढि समावेश गरेको छ। यस गीतले नुवाकोट लाई मात्र नभई धादिङ्ग लाई पनि केही सहयोग गरेको छ। समिर ठोकर को निर्देशन, छायांकन सुमन तामाङ्ग ले गरको उक्त गीतको म्युजिक भिडियोमा अयुशा कार्की र रुपेश यौजन को अभिनय देख्न सकिन्छ । उक्त गीतलाई कृष्ण लामिछाने ले मिक्सिङ गरेका हुन् । ...