Sunday, May 9
Shadow

एक वर्षसम्म मोबाइल अफ गर्दै यी बलिउड सुपरस्टार , किन गर्दैछन त ?


  • -इ
  • इ+

काठमाडौं, माघ २० । बलिउड अभिनेता आमिर खानले अबदेखि मोबाइल फोन नचलाउने निर्णय गरेका छन् । उनले यस्तो निर्णय गरेपछि अहिले उनका धेरै प्रशंसकले चिन्ता व्यक्त गरेका छन् । अहिलेको समयमा मानिस आफ्नो मोबाइल फोनबिन एक पल पनि बस्न सक्दैनन् । एकैछिन पनि मोबाइल छुट्यो भने मानिसलाई छट्पटी सुरु भइहाल्छ ।

तर, बलिउड सुपरस्टार आमिर खानले भने आफ्नो फिल्म रिलिज नहुँदासम्मका लागि मोबाइल फोन अफ गर्ने निर्णय गरेका छन् । सुटिङ चलिरहेको फिल्म ‘लालसिंह चड्ढा’ प्रदर्शन नहुँदासम्म मोबाइल स्वीच अफ राख्ने आमिरले निर्णय गरेका हुन् ।

यसबीच फिल्म रिजिलमा कैयौं बाधा तथा रोकावट आउनसक्ने भन्दै आमिरले फोन अफ गर्ने निर्णय लिएको बताएका छन् । आमिर जब कुनै प्रोजेक्टमा व्यस्त हुन्छन् तब पूरै लगनशीलताका साथ काम गर्ने गर्दछन् ।

यसपटक पनि फिल्म ‘लालसिंह चड्ढा’ प्रति पूरै तरिकाले उनी समर्पित भएका छन् । काम पूरा नहुँदासम्म कुनै बाधा नहोस भन्ने सुनिश्चित गर्न उनले आफ्नो व्यक्तिगत मोबाइल अफ गर्ने निर्णय गरेका हुन् ।

यो फिल्म यस वर्षको बहुप्रतिक्षित हो । आउँदो क्रिसमसमा रिलिज गर्ने तयारी गरिएको छ । फिल्ममा आमिरका साथै करीना कपुर खानलाई महत्वपूर्ण भूमिकामा देख्न सकिनेछ । खानको यस निर्णयले अहिले सबैको चासोको विषय भनेको छ ।

"Interview Nepal!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र ताजा समाचार : ईन्टरभ्यु नेपाल’  [Email : interviewnepal123@gmail.com]

     

प्रतिक्रिया दिनुहोस्