Thursday, November 26
Shadow

दशैँ कहाँ दशैँ जस्तो छ र ?


  • -इ
  • इ+

भिमसेन खनाल(अनमोल)
दसैं आउनु एक महिना अगाडि नै घर पोत्ने र लिप्नेकुरा चल्थो र पो दसैं दसैं जस्तो हुन्थो । महिनौ दिन अगाडि राती माटो लिन साथी भाइ जम्मा भएर ३र४ घन्टा हिडेर उकालो उरालो गर्दै बोरामा रातोमाटो बोकेर घरमा लेराईन्थो र पो दसैं दसै जस्तो हुन्थो । बिदेश गएका साईला काकाले ठूलो टिभी लेराएर गाउँ भरीका मान्छे राखेर टिभी खोल्थे र पो दसैं दसै जस्तो हुन्थो ।

रेडियोमा मुग्लान फिल्मको गीत दसैं आयो भन्ने बज्थो र पो दसैं आएको जस्तो हुन्थो । स्कुल जाने कपडा दसैंमा हालिन्थो र पो दसै आएको जस्तो हुन्थो । पिङ हाल्नको लागि सबै जना बाबियो काट्न बनपाखा धाउथेउ र पो दसैं आएको जस्तो हुन्थो । दसैंको लागि हाल्दिएको स्कुलको पाईन्टमा चिउरा हालेर पिङ खेल्न साथिभाईहरु गहिन्थो र पो दसै आएको जस्तो हुन्थो ।

आमा बा सग नाच्दै रमाउदै बाटोमा यो किन्दिनु त्यो किन्दिनु भन्दै आफन्त इष्टमित्रकोमा गहिन्थो र पो दसैं आएको जस्तो हुन्थो । चाडपर्व पनि उमेर बढे सग घटेको महसुस हुदो रैछ जिम्मेवारी बढदै गएसी हरेक चार्डहरुमा पहिलाको जस्तो रमाइलो नहुदो रैछ,दसैं आउदा दसा जस्तो लाग्दो रैछ । चाडपर्व आउनु भनेको बिहे नभएकाहरुलाई बिहे कहिले गर्छ्स अब त बेला भयो यो साल त आट्नु पर्छ भन्ने प्रश्न आउनु हो । जता जाउ बिहेकै कुरा कमाएकै कुरा,घुमेकै कुरा के गरिरहेको छ्स यस्तै कुरा मान्छेहरुलाई अरुको बारे जान्न कति हतार हुन्छ है ? अरुको खोजिनिती गर्न कति ब्यस्त हुन्छ्न है । खै दसैं किन अचेल दसै जस्तो छैन मलाई मात्र यस्तो हुन्छ कि अरुलाई नि यस्तै हुदो हो । दसैं त आमाको काखैमा रमाइलो खै किन हो गाउँको भिर पाखैमा रमाईलो ।
सबैमा विजया दशमी २०७७ सालको हार्दिक् मंगलमय शुभकामना
कोरोना भाइरसबाट आफु पनि बचौ र अरुलाई पनि बचाउ

"Interview Nepal!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र ताजा समाचार : ईन्टरभ्यु नेपाल’  [Email : interviewnepal@gmail.com]

     

प्रतिक्रिया दिनुहोस्