राज्यको सबैभन्दा बढी राजश्व संकलन हुने भन्सार क्षेत्रमा भन्सार एजेन्टले राजश्व संकलनमा महत्वपूर्ण योगदान पुर्याएका छन् । साथै अनियमित चोरी निकासी, गैह्र भन्सार कार्यलाई निरुत्साहित गरी भन्सार कार्यालय मार्फत मालबस्तु चेक जाँच गरी राजस्व उठाउने काममा समेत भन्सार एजेन्टको भूमिका राम्रो मानिन्छ ।
राष्ट्रिय भन्सार एजेन्ट परिषद् नेपालका अध्यक्ष श्री भोलानाथ अर्यालले भन्सार क्षेत्रहरुमा देखिएका बेथिति र चुहावट नियन्त्रणका नितिगत सुधार गर्दै ऐन तथा नियवालीमा संसोधन गर्नुपर्ने बताउनुभयो । भन्सार क्षेत्रमा विचौलियाको विगविगिले समग्र राजश्व संकलनमा समेत असर परेको तर्क राख्नुभयो ।
ज्ञापन पत्र बुझ्ने क्रममा अर्थ मन्त्री विष्णु प्रसाद पौडेलले यस समयमा अर्थ मन्त्रालयको ध्यानाकर्षण समग्र राजस्व संकलनमा गएकोले भन्सार क्षेत्रमा के कहाँबाट चुहावट हुने गरेको छ सो को रोकथामका लागि भन्सार एजेन्टबाट आफुँले निकै ठूलो सहयोगको अपेक्षा गरेको बताउनुभयो । साथै भन्सार एजेन्टको जायज माग प्रति आँफु सकारात्मक रहेको र नयाँ भन्सार एजेन्टहरुलाई भन्सार कार्यालयहरुमा सहज रुपमा काम गर्ने वातावरण तयार गर्ने बताउनुभयो ।
