काँग्रेस उपसभापतिहरु नै डराए प्रत्यक्ष चुनाव लड्न
स्याङ्जा- आगामी मंसिर ४ गते हुने प्रतिनिधि सभा तथा प्रदेश सभा निर्वाचनका लागि स्याङ्जा जिल्लाका हेभीवेट नेताहरु नै चुनाव लड्न डराएका छन । नेपाली कांग्रेसका केन्द्रीय उपसभापति धनराज गुरुङ र पूर्व उपसभापति गोपालमान श्रेष्ठले प्रत्यक्ष र समानुपातिक दुबैतर्फ प्रतिनिधि सभाका लागि कांग्रेसबाट उम्मेदवारीका लागि निवेदन दिएका हुन् ।
स्रोतका अनुसार दुवै नेता प्रत्यक्षतर्फ चुनाव लड्दा पराजित भइन सक्ने त्रासका कारण नै पछि केन्द्रबाट मिलाउने नाममा समानुपातिकतर्फ पनि उम्मेदवारका लागि निवेदन दिएका हुन् । प्रत्यक्षतर्फ उम्मेदवारको निवेदन दिएका उनीहरुले समानुपातिकतर्फ जिल्ला सदस्य दीर्घनारायण शर्माले मात्र उम्मेदवारको लागि निवेदन दिएपछि पछि गुरुङ र श्रेष्ठले पनि उम्मेदवारीको निवेदन दर्ता गराएका हुन् । यसबाट समानुपातिकतर्फ एकमात्र उम्मेदवारीको निवेदन दिएका शर्मा थप रुष्ट बनेका छन् ।
शर्मा लामो समय...