आदिवासीको आक्रोशपछि स्न्यापच्याटले हटायो अनुहारमा माओरी ट्याटू बनाउन मिल्ने सुविधा
सामाजिक सञ्जाल स्न्यापच्याटले प्रयोगकर्ताले आफ्नो अनुहारमा परम्परागत माओरी ट्याटू बनाउन मिल्ने सुविधा हटाएको छ।
उक्त सुविधाले न्यूजील्यान्डको आदिवासी माओरी समुदायमा आक्रोश पैदा गरेको थियो।
माओरीहरूले ट्याटू कलालाई पवित्र मान्छन्। त्यसलाई उनीहरू ट्याटू लगाउनेको महत्त्वपूर्ण पहिचान चिन्हको रूपमा लिने गर्छन्।
स्थानीय सञ्चारमाध्यममा त्यो सुविधाबारे समाचारहरू आएपछि स्न्यापच्याटले यस्तो निर्णय लिएको हो।
रेडियो न्यूजील्यान्डले चर्चित सामाजिक सञ्जाल इन्स्टाग्राम प्रयोगकर्ताहरूले आफ्नो तस्बिरमा "माओरी फेस ट्याटू" र "माओरी" लेखेर उक्त फिल्टर प्रयोग गरेका तस्बिरहरूबारे उजागर गरेको थियो।
स्न्यापच्याट चलाउने कम्पनी स्न्यापले एउटा वक्तव्यमा त्यस्तो सुविधा हटाइएको जनाएको छ।
एउटा वक्तव्यमार्फत स्न्यापच्याटले बीबीसीलाई आफूले "लेन्सलाई समावेशी" बनाउन र "आफ्नो समुदायसम्बन्...