अधिकांश सिटमा गठबन्धनले जित्छ : आरजु देउवा
नेपाली कांग्रेसकी केन्द्रीय सदस्य डा आरजु राणा देउवाले अधिकांश निर्वाचन क्षेत्रमा पाँच दलीय गठबन्धनले जित हासिल गर्ने बताउनुभएको छ ।
छठ पर्वमा सहभागी हुन जनकपुरधाम आइपुग्नुभएका देउवाले आज सञ्चारकर्मीसँग कुराकानी गर्नुहुँदै गठबन्धनबाट स्वतन्त्र उम्मेदवार भएका अधिकांश उम्मेदवारले आफ्नो उम्मेदवारी फिर्ता लिइसकेको र गठबन्धन पनि एक ढिक्का भएर अघि बढेकाले ९५ प्रतिशत सिट गठबन्धनले जित्ने बताउनुभयो ।
अधिकांश सिटमा गठबन्धनले जित हासिल गर्ने र आगामी सरकार पनि गठबन्धनकै बन्ने दाबी गर्नुहुँदै देउवाले मुलुकको विकास र समृद्धिका लागि पनि गठबन्धनले नै जित्नुपर्ने जिकिर गर्नुभयो ।
...