काठमाडौं , फागुन २७ । नेकपा माओवादी केन्द्रका अध्यक्ष पुष्पकमल दाहाल प्रचण्डले राष्ट्रिय स्वाधिनताको लडाइँ लड्न बाँकी रहेको बताएका छन् ।
भरत ढुंगाना स्मृतिग्रन्थ सार्बजनिकीरण तथा परिचर्चा कार्क्रमलाई सम्बोधन गर्दै देशभित्र र बाहिरका प्रतिक्रियावादीहरुले राष्ट्रिय स्वाधिनता र नेपाली जनताको आत्मनिर्णयको अधिकारलाई कुल्चिने दुस्साहस गरेका कारण आफु चिन्तित र आक्रोशित भएको बताए ।
उनले आफु आन्दोलित समेत भएको बताएका छन् । प्रचण्डले आफुभित्र आवेग र आक्रोश रहेको भन्दै नेपालको स्वतन्त्रता र जनताको आत्मनिर्णयको अधिकारमाथि कसैले धावा बोले नेपाली जनतालाई विद्रोह गर्ने अधिकार हुने चेतावनी समेत दिए ।
प्रचण्डले राजनीतिक हिसाबले विजय हासिल गरेपनि राष्ट्रिय स्वाधिनताको लडाँइ लड्न बाँकि रहेको बताए ।प्रचण्डले अहिले माओवादी आन्दोलनले हासिल गरेका उपलब्धिलाई कसरी निस्तेज पार्नेमै सबैको ध्यान रहेको बताए ।
प्रचण्डले ओलीका विरुद्ध १९ बुँदे लेख्दै गर्दा हेडक्वाटरलाई बम्बार प्रहार गरेकै हो भन्दै नेपालमा शान्तिपूर्ण ढंगले जनविद्रोह गर्न सकिने सम्भावना रहेको उनको भनाइ छ ।
