काठ्माडौं , पुस ७ । नेपाल विद्यार्थी संघका कार्यकर्ताले मसाल जुलुससहित विरोध प्रदर्शन गरेका छन् । संसद विघटनको विरोधमा मंगलबार साँझ राजधानीको रत्नपार्कदेखि भोटाहिटीसम्म नेविसंघका कार्यकर्ताले मसाल जुलुससहित प्रदर्शन गरेका हुन् ।
मसाल जुलुसपछि रत्नपार्कस्थित शान्ति बाटिकामा आयोजित कोणसभालालई सम्बोधन गर्दै विद्यार्थी नेता कुन्दन काफ्लेले प्रधानमन्त्री केपी ओलीको संसद विघटनको कदमको चर्को विरोध गरेका छन् ।
उनले सर्वोच्च अदालले जनताका पक्षमा फैसला गर्ने विश्वासमा आफुहरु रहेको दाबी गरेका छन् । साथै ओलीले चालेको कदम विरुद्ध एक जुट हुन समेत आग्रह गरेका छन् । उनले नेकपाको कोठे राजनीतिले देशका तमाम जनतालाई गुमराहमा राखेको भन्दै आक्रोश पोखे ।
