काठमाडौं , फागुन २७ । नेपालमा थप ९७ जनामा कोरोना पुष्टि भएको छ । स्वास्थ्य मन्त्रालयले पछिल्लो २४ घण्टामा देशभर कुल ९७ जना संक्रमित थपिएको जानकारी दिएको छ ।
अहिलेसम्म कुल २ लाख ७५ हजार ७० संक्रमित पुगेका छन् । नेपालमा हाल सक्रिय कोरोना संक्रमितको संख्या ९४२ रहेको छ ।
त्यस्तै पछिल्लो २४ घण्टामा ६६ जना संक्रमण मुक्त भएका छन् भने अहिलेसम्म २ लाख ७१ हजार ११६ जना संक्रमण मुक्त भएका छन् । नेपालमा कोरोना निको हुने प्रतिशत ९८।६ रहेको मन्त्रालयले जनाएको छ ।
पछिल्लो २४ घण्टामा ४ हजार ४८४ पिसिआर परिक्षण भएको छ भने नेपालमा अहिलेसम्म कुल पिसिआर २२ लाख ७ हजार ९२२ पुगेको छ ।
त्यस्तै क्वारेन्टाइनमा ५९ जना रहेका छन् । त्यस्तै आइसोलेसनमा ९४२ जना रहेका छन् ।
पछिल्लो २४ घण्टामा कोरोनाबाट थप मृत्यु नभएको स्वास्थ्य मन्त्रालयले जानकारी दिएको छ । अहिलेसम्म कोरोनाबाट मृत्यु हुनेको संख्या ३०१२ पुगेको छ । यसरी नेपालमा अहिले कोरोना संक्रमणबाट मृत्यु हुनेको प्रतिशत १।०१ रहेको मन्त्रालयले जानकारी दिएको छ ।
