काठमाडौं , माघ २८। तातोपानी नाका तीन सातापछि खुलेको छ । मितेरी पुलको मर्मतका लागि बन्द गरिएको नेपाल र चीनबीचको उक्त नाका खुलेको हो ।
भन्सार कार्यालयका अनुसार नाका खुलेसँगै मङ्गलबार छ कन्टेनर चिनियाँ सामग्री नेपाल भित्रिएको छ ।
कोरोना भाइरस सङ्क्रमणको सन्त्रास, नाकाप्रति स्थानीयको फरक बुझाइलगायतका कारण पटक–पटक बन्द भएको नाका पछिल्लो पटक मितेरी पुल मर्मतका लागि बन्द गरिएको २१ दिनपछि पुनः सुचारू भएको छ ।
चिनियाँ पक्षले नेपाल–चीन सीमाको मितेरी पुल मर्मतमा लागि २० दिनका लागि नाका बन्द गरेको थियो ।
