काठमाडौं , माघ ६ । भारतमा जारी कोरोनाविरुद्ध खोप लगाउने अभियानअन्तर्गत तेस्रो दिन सोमबारसम्म ३ लाख ८१ हजार जनालाई खोप दिइएको छ ।
खोप लगाएकामध्ये अहिलेसम्म ५८० जनाको स्वास्थ्यमा असर देखिएको भारतीय सञ्चारमाध्यमले जनाएका छन् । जसमध्ये ७ जना अस्पताल भर्ना भएका छन् भने दुईजनाले ज्यान गुमाएका छन् ।
उपचाररत मध्ये ३ जना दिल्ली, दुईजना कर्नाटक तथा उत्तराखण्ड र छत्तीसगढमा एक–एक जना अस्पताल भर्ना भएका छन् ।
भारतीय सञ्चारमाध्यमका अनुसार कर्नाटकमा एक जना र उत्तर प्रदेशमा एक जनाको मृत्यु भएको हो।
