Tuesday, March 19
Shadow

नेपालका अर्थ विदहरुले दुर्गा प्रसाईको मागलाई किन खण्डन गर्न सकेका छैनन् ? – डा. अम्बिरस पोख्रेल


  • -इ
  • इ+

वातावरण विज्ञ डा. अम्बिरस पोख्रेल नेपालको राजनीति , अर्थनीतिमा निक्कै चासो दिदै आउनुभएको छ । यसैबीच नेपालको पछिल्लो राजनीतिले नेपालको अर्थतन्त्रमा गम्भीर क्षति पुगेपछि उहाको बुधाँगत धारणा यस्तो रहेको छ ।

१. नेपालका बैंकहरुले नेपाली जनता माथि गर्दै आएको अन्यायका बारेमा दुर्गा प्रसाईले केही बिशेष मुद्दाहरु सार्वजनिक रूपमा राष्ट्रीय महा अभियानको रूपमा उठान गरेका छन् । उनको अभियान विशेष रूपमा अर्थ ब्यवस्था सम्बन्धी देखिन्छ । कृषि क्रान्ति वा उत्पादन मुलक औद्योगिक क्रान्ति उनको एजेण्डा रहेको देखिन्छ ।

२. घोर आश्चर्यको कुरा उनको कुरा वा मागहरु गलत हो भनेर अहिलेसम्म नेपालको कुनै पनि अर्थविद् हूँ भन्नेले आज महिनौ दिनहरू बित्दा समेत सत्य तथ्य सहित खण्डन वा समर्थन गर्न सकेको देखिएन किन होला ? अझ कसैले त आफूलाई वा आफ्नो पार्टीको फलानोलाई एसियाकै विद्वान अर्थविद् भनेर स्वोघोषना वा घोषणा गरेका थिए। तिनीहरूको पनि बोली बन्द छ महिनौ दिनहरूसम्म!

३. सैदान्तिक रूपमा र नेपालको अर्थ व्यवस्थाको व्यवहारिक कसिलाई एक ठाउँमा राखेर आफ्नो मौलिक राय वा विचार वा हेराइ वा दृष्टिकोण स्वतन्त्र रूपमा जनसमक्ष ल्याउन सक्थे तर ल्याएनन् । यसले निम्न दुई कुराको संकेत गर्छ भने, तिनीहरूले पनि जोखना हेर्दै छन् ताकि प्रसाईको अभियानले व्यापक रूप लियो भने समर्थनमा प्रकट हुने तर सरकारले उनको अभियान दमन गर्ने स्थिति आयो भने बोल्नै परेन वा विरोधमा राय दिने ।

४. यो सरासर अवसरवादी चरित्र हो । यसलाई विज्ञता भनिँदैन वा मानिंदैन । बौद्धिक क्षमता विकास गरेका व्यक्तित्वहरुले (बौद्धिक) यो प्रकारको चरित्र देखाउँदैनन् । तर बुद्धिजीवीहरुले चाहिँ यस्तो हर्कत गर्ने गर्छन् । जुन कुराको कुनै कमी छैन हाम्रो समाजमा। यसरी नेपालमा बौद्धिक व्यक्तिहरूको कमी रहेको प्रस्ट देखिन्छ । त्यो कुरा जताततै प्रत्येक क्षेत्रमा देख्न सकिन्छ।

५. बरु उनको माग ऊपर दिन प्रतिदिन मानिसहरू समर्थन जनाउँदै आएका देखिन्छ । उनले भन्ने गरेका छन् बैंकबाट बढीमा ५/६% मा बैंकको ऋण पाउने ब्यवस्था हुनु पर्ने। अनि सुरुमा जति प्रतिशतमा समझौता भएको हो, त्यही अनुसार मात्र ब्याज तिर्ने ब्यबस्था गर्नु पर्ने। ५/६% सम्झौतामा लिएको ऋण केही महिना पछि १२/१५ % बनाउन नपाइने जस्ता मागहरु राखेको देखिन्छ ।।

६. सरकार आफूले उद्यमीहरुलाई ऋण दिने ब्यवस्था गर्नु पर्ने नकी सरकार आफै बैंकमा लगानी गरेर जनतासँग ब्याज खाने !

७. नेपालीलाई नेपालमा बस्ने वातावरण तयार गर्नको लागी युवा उद्यमीहरुलाई सहज विधिबाट बढीमा त्यही ५/६% ब्याजमा निःशर्त वा झन्झट विहिन ऋण दिने ब्यवस्था गर्नु पर्ने ।

८. विदेशिन बाध्य भएका र उत्पादक मुलक उद्योग खोल्ने युवाहरुको करिब बीस लाखसम्मको ऋण सरकारले मिनाह गर्नु पर्ने आदि इत्यादि। ताकि युवाहरुले स्वदेशमै उत्पादन मुखी काम गर्न सकुन् ।

९. नेपाली जनताको अहिलेको अवस्था बदल्नको लागि यो ब्यवस्था नै बदल्नु पर्ने जस्ता मागहरु राखेको देखिन्छ।
अस्तु ।
ए पोख्रेल ।

"Interview Nepal!"

यो नेपाली/अंग्रेजी भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र ताजा समाचार : ईन्टरभ्यु नेपाल’  [Email : [email protected]]

     

प्रतिक्रिया दिनुहोस्

shares