काठमाडौं, फागुन १९ । नेपाली कांग्रेसका सभापति शेरबहादुर देउवाले पदको लोभ नभएको तर जिम्मेवारी आए आफू प्रधानमन्त्री बन्न तयार रहेको बताएका छन् ।
बुधबार चितवनमा आयोजित पूर्वसांसद एकनाथ रानाभाटको श्रद्धान्जली सभामा सभापति देउवाले यस्तो बताएका हुन् । उनले कांग्रेसलाई पदको लोभ नभएको तर, जिम्मेवारी आए पछि नहट्ने बताए स्पष्ट पारे ।
यस्तै सभापति देउवाले पूर्वसांसद मोहम्मद आफताब आलमको मुद्दा अहिले अदालती प्रक्रियामा रहेकाले प्रक्रियाबाटै उनलाई छुटाउन आफू प्रयासरत रहेको बताएका छन् ।
गढीमाई नगरपालिकाद्वारा गढीमाई नगरपालिका–६ सिंगारमनमा आयोजित विष्णु महायज्ञको उद्घाटन गर्न बुधबार आएका पूर्वप्रधानमन्त्री देउवाले इँटाभट्टामा जिउँदै मानिस जलाएर मारेको अभियोगमा कारागारमा रहेका निलम्बित सांसद आलमलाई रिहा गराउन आफूले पहल गरिरहेको जानकारी दिए ।
