काठमाडौं , माघ १९ । राष्ट्रिय परीक्षा बोर्डले आज सोमवार कक्षा १२ को नतिजा सार्वजनिक गर्ने तयारी गरेको छ । नतिजा सार्वजनिक गर्नका लागि बोर्डले अहिले बिहान १० बजे बैठक बोलाएको छ ।
कोरोनाभाइरस महामारीका कारण गत मंसिर ९ गतेबाट सञ्चालन भएको कक्षा १२ को परीक्षाको नतिजा अन्तत आज प्रकाशित हुने लगभग पक्का भएको हो ।
महामारीका कारण निकै ढिलो गरी सञ्चालन भएको परीक्षाको नतिजा प्रकाशन शिक्षकले जथाभावी प्राप्तांक पठाउँदा ढिलाइ भएको थियो । कार्यविधिमा तोकिए जसरी परीक्षा केन्द्रहरुबाट नम्बर नआउँदा समयमा नतिजा सार्वजनिक गर्न नसकिएको बोर्डले बताउँदै आएको थियो ।
