काठमाडौं , पुस २८ । अमेरिकी राष्ट्रपति डोनाल्ड ट्रम्पविरुद्ध महाअभियोग प्रस्ताव दर्ता भएको छ । डेमोक्रेटिक पार्टीले अमेरिकी संसदमा ट्रम्पविरुद्ध महाअभियोग प्रस्ताव दर्ता गरेको हो ।
महाअभियोग प्रस्तावमाथि बुधबार छलफल हुने बताइएको छ । ट्रम्पलाई हिंसा भड्काएको आरोप लगाउँदै महाअभियोग दर्ता गरिएको हो ।
महाअभियोग प्रस्तावमा राष्ट्रपतिको निर्वाचन परिणाम उल्टाउन जर्जियाका अधिकारीलाई दबाब दिएको विषय पनि उल्लेख छ ।
राष्ट्रपति ट्रम्पको कार्यकाल २० जनवरीमा सकिँदै छ । त्यही दिन नवनिर्वाचित राष्ट्रपति जो बाइडनले शपथ ग्रहण गर्दैछन् ।
