काठमाडौं , पुस १५ । पश्चिमी वायुको प्रभावले कर्णाली र सुदूरपश्चिम प्रदेशको मौसम आशिंकदेखि सामान्य बदली हुने सम्भावना रहेको छ ।
यस्तै प्रदेश १ र गण्डकी प्रदेशको पहाडी भेगमा आशिंक बदली हुने र बाँकी ठाउँको मौसम सफा रहने बताइएको छ । मौसम बदली भए पनि तत्काल पानी पर्ने र उच्च हिमपात हुने सम्भावना भने नरहेको महाशाखाले जनाएको छ । यसैबीच बुधबार बिहान काठमाडौंको तापक्रम २ डिग्री सेल्सियस मापन गरिएको छ । मंगलबार यो वर्षकै कम १ दशमलव १ डिग्री सेल्सियस तापक्रम मापन गरिएको थियो ।
मौसम पूर्वानुमान महाशाखाका अनुसार बुधबार काठमाडौंको तापक्रम १६ देखि १८ डिग्री सेल्सियससम्म पुग्ने अनुमान छ ।