काठमाडौं, पुस १० । नेपालमा नेपाल कम्युनिस्ट पार्टी विभाजित भएको छ । यसरी पार्टी विभाजित भएपछि नेपालको राजनीतिमा नै उथलपुथल आएको छ ।
यहि समयमा भारतीय जनता पार्टीका अध्यक्ष तथा त्यहाँका गृहमन्त्री अमित शाह नेपाल आउने भएका छन् । सत्तारुढ नेकपाको विवादले विभाजनको रुप लिइसकेपछि शाह शनिबार नेपाल आउन लागेका हुन् ।
उनी शनिबार एअर इण्डियाको उडानबाट दिउँसो काठमाण्डौ ओर्लने कार्यक्रम रहेको बालुवाटार स्रोतले जनाएको छ । भारतको सत्तारुढ पार्टीका अध्यक्ष शाहले प्रधानमन्त्री केपी ओली र गृहमन्त्री रामबहादुर थापा बादलसहित सरकारका महत्त्वपूर्ण मन्त्रीहरूसँग भेटवार्ता गर्नेछन् भने उनले आइतबार पशुपतिाथको दर्शन गर्ने कार्यक्रम रहेको बताएको छ ।
नेपाल भ्रमणको क्रममा उनले प्रधानमन्त्री केपी ओलीलाई भारत भ्रमणको निम्तो हस्तान्तरण गर्ने कार्यक्रम रहेको उच्च स्रोतले जनाएको छ ।
उता, लामो समयदेखि शाहका सचिवालयमा काम गरिरहेका सन्दीप रानाले भने गृहमन्त्री शाहको नेपाल भ्रमणको कार्यक्रम तय नभएको बताएका छन् ।
