काठमाडौँ, फागुन २९ । नेकपा एमालेको माधव नेपाल पक्षले आफू पक्षीय केन्द्रीय कमिटी बैठक बोलाएको छ ।बैठक ११ बजे डाकिएको छ । बैठकमा काठमाडौँमा उपलब्ध नेपाल पक्षका केन्द्रीय सदस्यहरू भेला हुने भएका छन् ।
बैठकमा एमाले अध्यक्ष केपी शर्मा ओलीले शुक्रबार एकपक्षीय रूपमा कमिटी पुनर्गठन तथा विस्तार तथा महाधिवेशनको मिति तोकिएको बारे छलफल हुनेछ ।
अध्यक्ष ओलीले पेल्न खोजेको निष्कर्ष निकाले नेपाल समूहले त्यसको सशक्त प्रतिवादका लागि समानन्तर कमिटी गठन गर्दै अघि बढ्ने जनाएको छ ।
शुक्रबार साँझ बसेको नेपाल समूहको स्थायी कमिटी बैठकले केन्द्रीय अध्यक्ष ओलीलाई पार्टीको समानान्तर कमिटी बैठकमार्फत चुनौती दिने निर्णय गरेको छ ।
माधव नेपाल पक्षलाई थाहै नदिइ एमालेको केन्द्रीय कमिटी बैठकले शुक्रबार अध्यक्ष र महासचिव बाहेकका सबै पद खारेज गरेको थियो ।
