काठमाडौँ , फागुन २८ । नेकपा एमालेको माधवकुमार नेपाल र झलनाथ खनाल पक्षले ओली पक्षले गरेको निर्णय नमान्ने निष्कर्ष निकालेको छ ।
ओली पक्षले शुक्रबार एक पक्षीय निर्णय गर्दै नेपाल र खनाल पक्षका नेताहरुलाई जिम्मेवारीबाट मुक्त गरेपछि बसेको नेपाल-खनाल पक्षको स्थायी कमिटी बैठकले सो निर्णय नमान्ने निर्णय गरेको हो ।
बैठकले विधान विपरित अध्यक्ष ओलीले गरेको एकपक्षीय निर्णय नमान्ने निर्णय गर्दै अब कसरी अगाडी बढ्ने भन्ने बारे फेरी छलफल गर्ने निष्कर्ष निकालेको छ ।
एक स्थायी कमिटी सदस्यले खरीबोटसँग कुरा गर्दै ओलीको विधान विपरितको निर्णय नमान्ने र थप छलफल पछि निर्णय गर्ने बताए ।
ओलीले आजै आफु पक्षका केन्द्रीय कमिटी सदस्यको बैठक बोलाएर नेपाल पक्षका नेताहरुको जिम्मेवारी खोसेका थिए ।
