काठमाडौं । तारकेश्वर नगरपालिकामा चौथो तार्केश्वर मेयर रनिङ सिल्ड प्रतियोगिता सुरु भएको छ । कुल ११ खेल विधाको प्रतिस्पर्धा हुने प्रतियोगिता शनिबारदेखि सुरु भएको छ।
तार्केश्वर नगरपालिकाको आयोजनामा सुरु भएको प्रतियोगितामा फुटबल, कबड्डी, एथलेटिक्स, भलिबल, कराते, उसु, तेक्वान्दो, बास्केबटल, ब्याडमिन्टन, बुद्धिचाल र टेबलटेनिसको प्रतिस्पर्धा हुँदैछन्।
उक्त प्रतियोगिताको शनिबार तार्केश्वर नगरपालिका मेयर कृष्णहरि महर्जनले एक कार्यक्रमबीच उद्घाटन गरेका हुन्। ६४ विद्यालयका २ हजार ६ सय ८२ खेलाडी सहभागी छन्। समग्रमा टिम च्याम्पियनले एक लाख, उपविजेताले ६० हजार र तेस्रो हुनेले ४० रुपैयाँ नगद पुरस्कार पाउने तार्केश्वर नगर खेलकुद विकास समितिका अध्यक्ष एंव प्रतियोगिता सहसंयोजक विक्रम खड्गीले जानकारी दिए।
