हेटौँडा,१७ असार । बागमती प्रदेशसभाको बैठक (आज) आइतबार बस्दैछ । बैठक दिउँसो २ बजे प्रदेशसभा भवन हेटौँडामा बस्न लागेको हो ।
आजको बैठकमा प्रदेश सरकारद्वारा प्रस्तुत गरिएको आर्थिक वर्ष २०८०–८१ को बजेटमाथि छलफल गर्ने कार्यसूची रहेको छ । गत असार १ गते प्रदेश सरकारले सार्वजनिक गरेको आगामी वर्ष २०८०–८१ को बजेट माथिको छलफल अझै सुचारू हुन सकेको छैन् ।
प्रमुख प्रतिपक्षी दल नेकपा एमाले र राप्रपासँग सहमति कायम गरेर आजको बैठक सुचारू गराउने प्रयत्न रहने बाग्मती सरकारले जनाएको छ । आर्थिक वर्ष २०८०–८१ को बजेटमाथि छलफलका लागि असार १३ गते आह्वान गरिएको बैठकमा विपक्षी दलहरूको निरन्तर अवरोध गरे पछि बैठक ३ दिनका लागि स्थगित गरिएको थियो ।
