काठमाडौं,असार ९ । गेमिङको दुनियाँमा निकै नाम कमाएको कम्पनी एसुस (asus) ले नयाँ स्मार्टफोन सार्वजनिक गर्ने तयारी गरेको छ । कम्पनीले बजारमा ‘जेनफोन १०’ (Zenfone 10) नामको फोन ल्याउन लागेको हो ।
१२० हर्ज रिफ्रेस रेट सहितको ५.९ इन्चको एमोलेड डिस्प्लेमा उपलब्ध हुने फोन जुन २९ मा सार्वजनिक हुने चर्चा छ । हालसम्म सार्वजनिक भएका फ्ल्यागशिप फोनमध्ये यो सबैभन्दा सानो साइजको फोन हुनेछ ।
यसमा स्न्यापड्रागन ८ जेन २ चिपसेट प्रयोग गरिएको छ । त्यस्तै ८ जीबी र १६ जीबी र्यामसहित क्रमश: २५६ जीबी र ५१२ स्टोरेज रहेको छ ।
