नुवाकोट, माघ १२
विगत लामो समय देखि विभिन्न सामाजिक कार्यमा सक्रिय रहदै आएका रामेश्वर गजरेलले आफ्नो जन्म दिन खाद्यान्न सहयोग गरेर मनाएका छन् ।
बेलकोटगढी नगरपालिका वडा नं ९ नलगाउँमा जन्मिएका गजुरेलले विदुरमा रहेको आमाको माया नामक छात्रवासलाई चामल, नुन, तेल, दाल, विस्कुट लगाएतको खाद्यान्न सहयोग गरेका छन् । जन्म दिनमा हुने फजुल खर्च कटाएर यस अघिका वर्षहरुमा पनि आफूले अन्य क्षेत्रमा सहयोग गर्दै आएको उनले बताए ।
उनले खाद्यान्न सहयोग गर्दै आगामी दिनहरुमा पनि आफूले निरन्तर सहयोगका कार्यक्रमहरु गर्ने अठोट गरेका छन् । गजुरेल हाल सभ्यता समाज नेपाल नामक संस्थाको अध्यक्ष समेत रहेका छन् ।
