Sunday, October 17
Shadow

मुख्यमन्त्री भट्ट द्घारा हलिया मुक्ति आन्दोलनका राष्ट्रिय अगुवा पूर्व सासद श्रीपाईली सम्मानित


  • -इ
  • इ+

 

०७,असोज २०७८

सूदूरपश्चिमको मानवअधिकार,सामाजिक न्याय,दलित एंव,कमैया,कमलरी हलिया मुक्तिको आन्दोलनमा अग्रणी नेतृत्वदायी भूमिका निर्वाह गरी हलिया मुक्ति अधिकारमुखी आन्दोलनमा विशिष्ट योगदान पुर्याए वाफत संविधान सभा सदस्य तथा दलित एंव कमैया, हलिया मुक्ति आन्दोलनका अगुवा हरि श्रीपाइलीलाई सोमबार सम्मान गरिएको छ ।

हलिया मुक्ति आन्दोलनमा बिशिस्ट योगदान पुर्याए वाफत राष्ट्रिय मुक्त हलिया समाज महासंघद्घारा कंचनपुरको पुर्नवासमा आयोजित १३ औँ मुक्त हलिया दिवसको अवसरमा सुदूरपश्चिम प्रदेशका मुख्यमन्त्री त्रिलोचन भट्टले पूर्व सासद एंव हलिया आन्दोलनका अगुवा श्रीपाईलीलाई सम्मान गर्नुभएको हो ।

पूर्व सासद श्रीपाईली दशकौँ देखि हलियाहरुलाई संगठित,सुसूचित,जागरण,सचेतना,दिदै मुक्ति आन्दोलन र पुर्नस्थापना का लागि निरन्तर संघर्षरत राष्ट्रिय अभियन्ता हुन । दलित अधिकारका लागि राष्टिय संजालका केन्द्रीय अध्यक्ष समेत रहेका श्रीपाईली नेपाल सरकारको मुक्त हलिया पुर्नस्थपना कार्यदलका केन्द्रीय संयोजक समेत रहिसकेका छन् ।

उनकै कार्यकाल र विशेष अगुवाईमा सुदूर तथा मध्यपश्चिममा रहेका हजारौ हलियाहरुले दासताको जिवनबाट मुक्ति पाएका थिए । सम्मानित भएपश्चात श्रीपाईले भने आफू सदैब दलित,कमैया,हलिया,कमलरी र शोषित पिडीत सिमान्तकृत समुदायको अधिकारका लागि सदा आवाज उठाई रहने बताउनुभयो ।

"Interview Nepal!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र ताजा समाचार : ईन्टरभ्यु नेपाल’  [Email : [email protected]]

     

प्रतिक्रिया दिनुहोस्